فستان ابيض والطرحة _ رضا محمد احمد عطوة
فستان ابيض والطرحة
بقلمي /رضا محمد احمد عطوة
الفستان الأبيض والطرحة
جمال ملائكي يا سلام
بيقولوا لبس البوصة
تبقى عروسة حلم
بيتعلق في عيون البنات
زي زينة زي وعد
زي صورة مفلترة
عن حياة مفروشة ورد
مرشوشة بمبي كل بنت تحلم
يوم رفافها يكون خيالي
اسطوري فستان
وطرحة ابتسامة محفوظة
وكاميرا شغالة البساطة
والأناقة هو ده الجمال الحقيقي
بس محدش قال
أن بعد ما الفرح ينفض
والنور يهدي والأغاني تسكت
الأقنعة تبتدي تتشال
قناع ورا قناع والدهشة تتحول
صدمة والحب يتحول سؤال
والصوت الواطي يبقى صراخ
خلف الأبواب المقفولة
حكايات وروايات
تقشعر لها الأبدان
مش بتطلع في الصورة
ولا بتتحط علي الفيس
مفيش مسؤولية
ولا استعداد ولا تضحية
كل واحد داخل الحكاية
مستني ياخد
مش فاهم يعني ايه يشيل
نسب الطلاق بتطلع
زي فاتورة مهملة
حد نسي يدفعها
والثمن بيدفعه بيت
وعيال وحلم كان ابيض
الزواج مش فستان ولا طرحة
ولا ليلة الزواج مسؤولية
نفس طويل وقلب يعرف يكمل
الفستان الأبيض والطرحة
حلم جميل بس الحلم
لوحده مابيديش حياة
بقلمي /رضا محمد احمد عطوة
اضف تعليقاً عبر:
الابتسامات