بطل سكات _ الشاعر رشدي الامير
بطل سكات
كله ماشي بالخباثة
عافية مش حابة السياسة
واللي عامل فيها واعظ
توبه مليان بالنجاسة
دنيا غابة
والنفوس صبحت كآبة
اللي يضحك يوم في وشك
بكره يغدر بالكتابة
واللي ساندك باللسان
راح وفاتلك المكان
يلا قوم كمل طريقك
يلا دور ع الآمان
الكلام كان منه سم
باع وفاتك مش مهم
المهم تعيش حياتك
ذكرياتك يلا هم
الحقيقة والغرابة
تلقى بين صحاب عصابة
واللي أغرب لو تلاقي
لسة باقي في قرابة
كله ماشي بالتلاشي
واللي سابك راح مجاشي
اعتمد كمل لوحدك
بس حاسب م المحاشي
النفوس أصابها غِل
أوع تخضع أو تمِل
خلي بالك م اللي جالك
لما تنصح أو تدِل
القلوب صبحت حجارة
تبني شارع أو عمارة
أوع مرة تحب تندم
تلقى قلبك بين حيارة
خلي بالك م الكابوس
جي يقرص كالنموس
لو حلمت الحلم سيبه
شوفت عيبه في النفوس
الحقيقة بقت سراب
والبراءة كمان ذنوب
والوعود ويا الأماني
شكل تاني بالحروب
الهروب اسلم وسيلة
م اللي عدى واللي فات
انت وحدك بس عيلة
أسرة كاملة بالثبات
اعتمد كمل وعدي
واجه اي ظروف تحدي
الحياة بقى لونها بمبي
انطلق بطل سكات
انطلق بطل سكات
كلمات الشاعر رشدي الامير
اضف تعليقاً عبر:
الابتسامات